Owa it ultra-low temperature freezer ro tatlong mga probinsya sa Western Visayas, base sa pahayag it Department of Health (DOH-6).
Ro ultra-low temperature freezer ro ginagamit para sa storage it Pfizer-BioNTech COVID-19 vaccine nga nai-report bilang may pinakamataas nga efficacy rate nga nagaabot sa 95%.
Base sa pamunuan it DOH-6, owa it ultra-low temperature freezer ro probinsya it Iloilo, Guimaras, ag Capiz.
Kung may igatao nga supply it Pfizer vaccine sa Western Visayas, may posibildad nga indi mataw-an ro mga nasambit nga Local Government Units bangud owa it storage capacity.
Sa monitoring it DOH-6, ro mga LGUs nga may ultra-low temperature freezer hay ro Iloilo City, Bacolod City, Aklan, ag Antique. / ANN DESLENE SALAZAR
