Nagdangat sa tatlo ang ginbawian sang kabuhi samtang 18 naman ang dugang nga kaso sa probinsya sang Capiz bangud sa balatian nga dengue.
Sa datos sang Provincial Health Office (PHO) sumugod Enero 1 tubtob Hulyo 1, 2023 naglab-ot na sa 286 ang kabug-osan nga kaso sa balatian kun sa diin mas manubo ini sang 6.54% kun ikumparar sa kaso sang nakaligad nga tuig.
Ginpaidalum naman sa clustering ang Barangay Agbanban, Tanza Norte, Tanza Sur, Poblacion Ilaya, Cogon kag Lumboy sa Panay kag Barangay Switch sa banwa sang Tapaz.
Pinaka apektado nga age group sa amo nga balatian suno sa PHO ang naga-edad 10 tubtob 19.
Kaangut sini, padayon ang panugyan sa publiko, nga sundon ang pag-obserbar sang 4s strategies batuk sa balatian nga dengue; Search and destroy, Secure self-protection, Seek early consultation kag Say yes to fogging.//KMD Gicalde
