Inarado it sangka kotse ru 3 mga naka park nga motorsiklo sa Osmenia Ave. Kalibo, Aklan kainat aga-aga.
Sa report, gina maneho ru kotse ni Silverio Labordes, 35 anyos ag residente it La Castillana, Negros Occidental.
Natabo ru aksidente habang gina maneho it driver ru kotse halin sa New Washington paadto konta banwang Kalibo.
Naka parking maeapit sa bar ru mga motorsiklo nga gina pang-iyahan nanday Mark Lester Roldan, residente it Brgy. Bakhaw Sur, Kalibo ag taga-ana it sniper na motrosiklo.
Inarado man ru sambilog pa gid nga motor nga gina panag-iyahan ni Ma. Junline Francisco nga taga Brgy. Tambu-an, Malinao ag sangka Meo nga notrosiklo nga gina panag-iyahan man ni Ariel Armges it Pob. Tangalan.
Samtang, nakipag settle man ru driver it kotse sa mga tag-ana it motorsiklo sa Kalibo MPS ag naka taeana nga maga bayad it damages ru driver it kotse.//MARIVIC Y. ILIN
