CAMARINES NORTE- Tiniyak ng Sangguniang bayan ng Daet na kanilang pag-a-aralan at isasa-alang-alang ang mga saloobin at mungkahi ng mga dumalo sa isinagawang public hearing kaugnay sa Tricycle fare adjustment sa bayan ng Daet
Ayon kay Councilor Sherwin Asis, ito ay bilang tugon sa mga nagpapaabot ng katanungan sa Sangguniang bayan patungkol sa bagong taripa sa pasahe sa tricycle
Kinumpirma rin ng Konsehal sa kanyang Facebook post na wala pang idinedeklarang bagong taripa sa traysikel ang naturang konseho
Anya, ang panukala ng FETODA ay P15 sa unang kilometro at P2 dagdag sa bawat kilometro ngunit ito ay pag-aaralan pa pati na ang mga mungkahi ng dumalo sa public hearing
Habang wala pang inilalabas na bagong taripa, mananatili pa rin ang umiiral na pasahe na P15 sa unang kilometro at karagdagang P5 sa bawat kilometro.
