Nasunog ru 3 mga motorsiklo ag 1 tricycle sa grahe nga gina panag-iyahan it sangka residentesa Brgy. Batuan, Ibajay, Aklan.
Sa initial nga imbistigasyon, gina panag-iyahan ru grahe ni Marlon Salido sa legal nga edad ag residente it nasambit nga lugar.
May gina ponterya sa makaron ru Ibajay MPS nga mga persons of interest base sa gin pahayag it mga residente nga naka pan-o sa mga imbolbado.
Suno sa mga witnesses, 8 mga binatilyo kaibahan eon kara ru sangka menor de edad ru nag daeaeagan paeayo sa lugar samtang naga-ab-ab ru kaeayo sa mga naga kasunog nga behikulo.
Tuyo sigun it mga binatilyo nga mag panakaw it gasolina apang nag sindi sigun ru sambilogkanda it lighter rason nga nag ab-ab ru kaeayo ag nadaeahig ru mga naka palibot pa nga mga behikulo.
Nasayuran nga sangka menor de edad ru umako sa barangay Kapitan nga sa makaron hay padayon nga gina imbistigahan it Ibajay MPS.//MARIVIC Y. ILIN
