LEGAZPI CITY – Dakop an tulong persona sa isinagibong drug buy-bust operation sa Purok 3, Brgy. 28, Victory North sa syudad nin Legazpi.
Binisto an mga suspek na sinda Robert Estipona, Rogelio Baroma Estipona asin Alvin Balober.
Pinangenotan kan Philippine Drug Enforcement Agency (PDEA) Albay an operasyon na ikinondusir alas 8:35 nin banggi kan nakalihis na Sabado sa harong kan saro sa mga suspek sa nasambit na lugar.
Sa report kan PDEA, nasa 15 sachets nin pinagtutubudang “shabu” na may pigkakalkulong gabat na 10.2 grams asin nagkakantidad nin labi PHP30,0000 an narekober sa operasyon kasabay pa an manlain-lain na mga drug paraphernalia.
An mga suspek, nahahampang sa kasong pagbalgar sa Section 5, 6, 7, 11, 12, asin 15 kan Article II kan Republic Act No. 9165 o an Comprehensive Dangerous Drugs of 2002, asin nasa kustodiya kan mga otoridad para sa magkakanigong disposisyon.
