ILOILO CITY — Arestado it gintingob nga pwersa it CIDG Iloilo City Field Unit kaibahan ro 602nd Company RMFB-PRO 6 ag Iloilo City Police Office Station 5 ro ginasugid nga tatlong mga illegal recruiters sa ginkasa nga Police Operation kontra illegal recruitment ku Hunyo 7.
Ginkilaea ro mga naaresto nga sanday Ruth Rioveros Y Castillo, 41 anyos, it No. 151 Barangay, Sico 1, San Juan, Batangas, Airah Shaynne Rubia Y Pila, 27 anyos it Brgy. Hulo, Meycauayan City, Bulacan, ag Freda Gahum Y Basalatan, 33 anyos, it Brgy. San Roque, Barotac Viejo.
Naaresto ro mga suspek sa entrapment operation sa Park Inn Hotel Lobby, Barangay Bolilao, Mandurriao District, Iloilo City.
Unang nagpangayo it bulig sa mga operatiba ro mga complainant nga sanday Noren Jean Baes Y Pama ag Christian Berola Y Herrera nga ginasugid nabiktima it mga illegal recruiters.
Narecover sa mga suspek ro sangka notebook nga may pangaean it mga biktima, sangka black ballpen, 15 pcs plastic envelop nga may folder sa sueod nga may kaundan it pilang dokumento it mga applicants, sangka cellphone, sangka Genuine Five Hundred Peso bill bilang Marked Money, ag Nine Thousand Five Hundred Pesos nga boodle money.
Ro mga suspek hay nagapangatubang sa kasong pag eabag sa RA 8042 o The Migrant Workers Overseas Filipinos Act of 1995 ag pag eabag sa Art. 315 of the Revised Penal Code o kasong Estafa. / ANN DESLENE SALAZAR
