Arestado ang tatlong drug suspect ganap na alas-diyes kagabi sa Sitio Bukid-bukid, Barangay Rio Tuba, Bataraza, Palawan.
Ang mga suspek ay sina Rowena Daunan Beligan, 31 anyos,
Sulayman Musablim Abdulkadir, 53 anyos at si Mapor Salibara Hereral, 27 anyos na mga residente sa Brgy. Inogbong, Bataraza.
Ayon sa Palawan Provincial Police Office, ang mga suspek ay hinuli ng Bataraza MPS at 1st PPMFC o Palawan Provincial Mobile Force Company sa pamamagitan ng drug- buybust operation.
Sa operasyon ay nakabili umano sa isa sa mga suspek ng isang pakete ng suspected shabu sa halagang isang libong-piso.
Narekober pa sa tatlong suspek ang mga sumusunod na ebidensya:
a. Tatlong piraso ng heat-sealed transparent plastic sachet na may laman na pinaniniwalaang shabu na tumitimbang ng humigit kumulang 0.6 grams na may tinatayang halaga na aabot sa anim na libong piso.
b. Isang (1) transparent plastic container
c. Isang maliit na aluminum foil
d. 2 piraso ng Five Hundred Peso bill (Php 500.00 na) buy bust money);
e. Tatlong units ng cellphone: Nokia keypad, color blue, Huawei touch screen with Marlboro case at Oppo
A74 touch screen, kulay brown,
f. Isang sling bag na kulay itim (CAT)
g. Isang wallet na kulay itim.
h. at anim na pirasong tig-iisang libo piso.
Nahaharap ang mga naaresto sa paglabag sa Sections 5 & 11, Article II of the Republic Act No. 9165 o Comprehensive Dangerous Drug Act of 2002.
Samantala, dinala na ang mga ebidensya sa Palawan Provincial Crime Laboratory Office (PALPCLO) upang suriin.
