Masobra 1.2 milyon nga residente it Western Visayas ro target nga mabakunahan kuntra sa COVID-19 sa gintaeana sa tatlong adlaw nga national vaccination drive nga pagahiwaton sa November 29 hasta December 1.
Ro kahiwatan hay ginkieaea nga “Bayanihan Bakunahan,” raya hay national campaign kaibahan it Bonifacio Day sa November 30 ag nagatuyo nga mabakunahan ro 15 milyon nga indibidwal sa sueod it tatlo ka adlaw.
Ginkumbnse it DOH 6 ro mga gusto nga magpabakuna nga magparehistro sa andang local government units o rural health units.
Ro mga target nga numero it mga residente nga tuyo mabakunahan sa kada probinsya ag highly urbanized nga lungsod hay ro masunod:
* Aklan – 79, 521
* Antique – 115, 217
* Capiz – 133,576
* Guimaras – 28, 699
* Lalawigan ng Iloilo – 338, 716
* Negros Occidental – 516, 807
* Lungsod ng Bacolod – 66,171
Indi magnaba sa 530 vaccination sites ag 436 vaccination teams sa Western Visayas ro magasugod sa mga adlaw it pagbakuna.
Ro taeatapan it rehiyon hay naga-usoy man it mga volunteers agud madugangan ro mga indibidwal nga mag-administer it pagbakuna./JIL B. LACSON
