Gikatakdang ablihan sa sunod tuig ang bag-ong City Library and Information Center sa dakbayan sa Davao nga gipahimutang sa C. Bangoy St., Ang maong City Library nagkantidad og P100M.
Tungod niini, nagpahigayon karon og survey ang City Library sa mga dabawenyos kung unsang orasa sugdan og abri ang maong library aron masigurong magamit kini.
Sumala sa City Library Officer-In-Charge nga si Salome Enoc, gitawag nga state of the art ang bag-ong library diin aduna kini smart technology ug advanced information technology system.
Dugang niini, gawas sa regular nga serbisyo sa library sama sa book lending ug story telling, aduna sab kini online library kung asa pwedeng maka access ang mga dabawenyo bisan paman nga anaa lamang sailang panimalay.
Gawas niini, aduna sab naka display nga mural nga adunay managlahing tema nga gigama pa gikan sa mga Dabawenyo Artist.
