Natanggap ng Pilipinas ngayong araw ang nasa 3.3 million COVID-19 vaccines na donasyon mula sa United States at France.
Sa naturang bilang 1.62 million doses ang Pfizer habang nasa 1.69- million doses naman ang Astrazeneca na idinaan sa pamamagitan ng COVAX facility.
Ibiniyahe ang mga bakuna lulan ng Emirates flight EK334 na lumapag sa Ninoy Aquino International Airport Terminal 1 bandang alas saiz ng umaga.
Noong Lunes unang dumating ang nasa 1.7 million doses ng bakuna na donasyon din ng America.
Dahil dito umabot na sa mahigit 187-million doses na nang COVID-19 vaccines ang naideliver na sa bansa simula noong February 2021.
