Padayun ro pagpatuman it Second Aklan PMFC sa one entry, one exit sa probinsya it Aklan partikular sa isla it Boracay, kamana man ro suporta nga ginatao sa mga municipal stations eabi eon sa deployment it personnel kung kinahangeanon.
Raya ro ginhayag sa BRIGADA NEWS FM KALIBO ni PLTCOL Rogelio Tomagtang Jr, Force Commander it Second Aklan PMFC.
Nakibuylog man segun ro Second Aklan PMFC sa ika-28th Police Community Relations (PCR) Month nga may tema makarung dag on nga “Serbisyong Nagkakaisa para sa Ligtas at Maunlad na Pamayanan.”
Samtang, padayun man segun ro andang deployment sa border control checkpoint sa Nabas, Buruanga ag Caticlan Jetty Port.
Sa kamatuoran suno kay PLTCOL Tumagtang, ku nagtaliwan eang ngara nga buean hay may nakumpiska sanda nga 10 kilos it pork products halin sa Oriental nga igapasueod kunta sa Aklan. // ANN DESLENE SALAZAR
