28,000 nga Aztrazeneca Vaccine, maabot sa Iloilo sa Setyembre 28

Ginaasahan nga maabot sa Iloilo City ro 28,000 doses it AstraZeneca COVID-19 vaccines sa Setyembre 28.

Nauna eun nga nabaton it siyudad ro 21,000 doses it nasambitan nga bakuna.

Base sa datos, ro lokal nga gobyerno hay naggastos it P300 million para sa 600,000 doses it AstraZeneca vaccine ag nagdugang pa it P114 million para sa 163,927 doses it Novavax vaccine.

Target it siyudad nga maangkun ro herd immunity ag mabakunahan ro 50% it 525,000 nga target population sa pagtapos it buean it Setyembre./JIL B. LACSON

BNFM Kalibo