LEGAZPI CITY – Arestado kan mga otoridad an 28 anyos na lalaki sa ikinasar na operasyon kontra iligal na droga sa Purok 3, Brgy. Guilid, syudad kan Ligao.
Binisto an akusado na si Atilano Talavera y Paular, warang agom asin residnete kan Purok 4 kan naunambitang barangay.
Susog sa impormasyon, pigkondosir an nasambitan na operasyon kan Ligao CPS sa pakikipagtabangan sa PDEA Bicol, kun sain pinabakalan kan akusado an poseur buyer ki sarong heat-sealed transparent plastic sachet ki pinagtutubudang “shabu” kapalit ki PHP1,000.
Apwera kaini, narekober pa sa kontrol kan akusado an tulong heat-sealed transparent sachet kan kaparehong item na may pigkakalkulong timbang na sarong gramo na nagkakantidad ki poko mas o menos sais-mil-otso-syentos-depesos.
Presente na ining nasa kustodiya kan mga otoridad, kaibahan an mga ebidensya para sa magkakanigong disposisyon.
