KALIBO, AKLAN — Bangud sa pagtaas it kaso it covid-19 iya sa banwa it Kalibo, nagpadaea it sueat ro pamunuan it LGU-Kalibo sa taeatapan ni Ms. Ma. Evelyn B. Macapobre, Director it Regional Office VI it Department of Social Welfare and Development para mag-request it 5,000 food packs.
Ag kahapon eang it Sabado, Agosto 21, 2021 hay nabatun eon ro 2,700 Food Packs halin sa gin-request nga 5000 Food Packs halin sa DSWD Regional Office VI.
Ro sueod it food packs hay 6 kilos of Rice, 4 pcs Corned Beef, 4 pcs Canned Tuna, 2 pcs Canned Sardines ag 10 pcs nga cereal drink.
Mabahoe man ro pagpasaeamat it LGU Kalibo sa Department of Social Welfare and Development sa pagsabat sa andang request nga Food Packs. / ANN DESLENE SALAZAR
Photo courtesy: Kalibo Public Affairs
