BICOL – Nasa maabot 27 mga tindahan sa bilog na Bicol Region an nakatanggap nin Notice of Violation hale sa Department of Trade and Industry b- Fair Trade and Enforcement Bureau makalihis an isinagibong 4 na aldaw na inspeksyon o paglibot kan mga empleyado nin nasabing ahensya.
Nasa 96 na tindahan hale sa Camarines Norte, Sorsogon, Tabaco, Legazpi asin Daraga an enot nang suminalang sa ipigsagibong inspection.
Prioridad kan lakdang na ini masiyertong ipigpapautob sag abos na tindahan an Product Standard.
Basado sa report na hardwares an kadaklan sa mga may biolasyon kawsa kan mga produkto na wara nin magkakanigong PS o ICC Mark, wara nin brand asin Substandard.
Nasa maabot 1 milyon an suma total kan mga paninda nahelingan nin pagbalgar sa probisyon nin Consumer Act.
Tulos na sinelyohan kan DTI asin ipinatago sa mga tindahan ngani dae na maipabakal pa sa publiko.
