Arestado ang isa ka 27-anyos nga lalaki sa ginkasa nga drug buybust operation sang gintingub nga pwersa sang Provincial Drug Enforcement Unit kag Pontevedra Municipal Police Station sa Barangay Bailan, Pontevedra, Capiz.
Ginkilala ang naaresto kay Dante Orale, Jr.,residente sang nasambit nga lugar.
Nakuha sa posisyon kag paghinakop ni Orale ang 5 tanan ka sachets sang ginapatihan shabu, P500 nga buy bust money kag mga drug paraphernalia.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nadakpan.
Sa karon, nagapabilin sa kustodiya sang Pontevedra Municipal Police Station si Orale para sa nagakaigo nga disposisyon. | Judy Ann Juare
