Nagpahanumdom ang Antique Integrated Provincial Health Office sa publiko batok sa pagtaas kang kaso kang dengue sa probinsya ilabi ron kadya nga tig-ururan.
Dya bangud nakabalhag ang talatapan kang 266 tanan ka mga kaso kang dengue sa 23rd morbidity week humalin Hunyo 4 -10,2024 kung sa diin mas mataas dya kun ikumpara sa 240 ka mga kaso kang amo nga balatian kang tinalikdan nga semana.
Sa dya nga numero, nakabalhag ang banwa kang Caluya kang pinakamataas nga kaso nga may 65, Sibalom nga may 46, Culasi nga may 43, San Jose de Buenavista kag banwa kang Sebaste nga may 14.
