KORONADAL CITY- NASA 263 na mga pasyente na ang naserbisyuhan ng provincial government ng South Cotabato at nakapag-avail ng Free Patient Transport Services mula Enero hanggang Setyembre ngayong taon.
Ito ay batay sa datos ng Provincial Disaster Risk Reduction and Management Office sa pamumuno ni PDRRMO- OIC Rolly Doane Aquino.
Ang naturang programa ay nagbibigay ng libreng transportasyon sa pagbiyahe, pagsundo o paghatid ng mga pasyente papunta sa mga ospital o pauwi sa kanilang bahay.
Karamihan sa naserbisyuhan nito ay mga pasyente na naihatid sa Southern Philippines Medical Center sa Davao City at Cotabato Regional Medical Center sa Cotabato City.
Sa mga gustong makapag-avail ng Free Patient Transport Services, makipag-ugnayan lamang sa 24/7 emergency hotline number ng PDRRMO na 09275426430 at 09691915810.
