MAGPAHIGAYON og 24 oras nga pag monitor ang mga sakop sa Protected Area Management Board ug DENR ingon man City-ENRO sa dolphin nga nakaplagang nagluya sa baybayong bahin sa Barangay Bula ning dakbyan sa Gensan.
Kahinumdumang gibutyag ni Prince Tampus, Agriculturist Techinician ug usa sa mga miresponde nga usa ka klase sa spinner dolphin ang nakita alas 6 ang takna sa buntag, Disyembre 6 sa Purok 4, Barangay Bula hangtud nga nakaabot sa Purok 2 sa naasoyng Barangay.
Makita sa lawas niini nga adunay mga minor-scratches tungod sa pagpaibabaw niini sa babayon. Padayon usab ang ginahimong assessment sa nasampit nga ahensya ug pagpahigayon og obserbasyon sa dolphin aron sutaon kung kanus-a kini pwede buhian sa kadagatan.
Gipailawom na usab kini sa rehabilitasyon ug anaa sa kustodiya sa Joint Task Force Gensan tungos sa dakong tub nga magamit nila kung asa temporaryong ibutang ang dolphin inubanan sa pagbutang og tubig gikan sa dagat.
Gikatakdang magpahigayon usab og mga pagtuon ang mga veterinarian sa maong ahensya aron masuta kung unsay problema sa panglawas niini.
Una nang nasuta nga walay balanse sa paglangoy ang dolphin ug sulayan nila kining pakaunon o kung dili magpahigayon og force feed ang mga eksperto ug takdang mukuha og blood sample alang sa pag analisa sa sakit nga gibati sa spinner dolphin.
Sumala pa nga usa sa mga rason nga magpaibabaw ug mupadaplin sa baybayon ang mga lamang dagat sama sa dolphin sa rason nga dili maayo ang ilang ginabati ug angayang dili hilabtan sa mga makakita niini sama nalamang matud pa sa gihimo sa pipila ka mga residente sa dihang nakita ang dolphin, nga gitapok-an, gihilabtan ug nagpahulagway sa maong mananap rason nga madugangan ang ilang gibati tungod sa stress. I MJ Fernandez
