SUPAK ug dili uyon ang pipila ka mga tricycle drivers sa Gensan sa planong pakunhuran ang pletihan sa mga tricycle sa siyudad.
Kahinumdumang mismong si Kagawad Atty. Dominador Lagare Jr. ang nagkumpirma nga giplanuhan na ang papaubos sa pletihan nga gikan sa P18 pesos himuon nalamang P12 pesos ang 1st 2 kilometers nga biyahe sa tricycle ug dugang usab P2 pesos sa succeeding kilometer Usa si alyas Boy, usa ka tricycle driver ang nagpagawas sa iyang sentimyento kalabot sa maong hisgutanan ug sumala pa niini nga ang maong patakaran ang dili angay iimplementa sa mga sama nilang gabiyahe og tricycle ug mas maayo na lamang matud pang atimanon sa konseho ang uban pang problema sa transportasyon sa GenSan ilabi na ang pagsulbad sa grabe kadaghan sa gapamasada nga dili mga residente sa Gensan.
Samtang si Alyas Lukot, nagkanayon nga sa kadaghan nang gipanday nga balaud o ordinansa sa siyudad wala pay gihatagan og ngipon sa pag impelemtar niini. Kahinumdumang gipaklaro ni Atty. Lagare nga ang maong plano ang pagahisgotan pa kauban ang mga sakop sa MTFRB sa ika-19 nga adlaw sa bulan sa Disyembre. I MJ Fernandez
