ILOILO — Kulong ro daywang eaeaki sa Oton Police Station matapos sanda nga ireklamo it pagpanghimueos it 23yo nga babaye nga kaibahan nanda sa ilimnan sa sangka barangay sa Oton, Iloilo.
Base sa WCPD Oton, sa panaysayon it biktima, sinueang segun imaw it anang chatmate nga 22yo nga eaeaki sa andang baeay.
Dikara ag nag-inuman sanda kaibahan ro iba pa ag kat mag alas 11 it gabii hay dinaea imaw sa baeay it anang chatmate.
Dikara ag ginhimuslan imaw it anang chatmate nga sinundan it sambilog pang 21yo nga eaeaki.
Gintawgan segun it biktima ro anang ex-boyfriend para magpangayo it bulig.
Base sa biktima, hilong eon imaw kat daehon sa baeay it anang chatmate.
Nadakpan man ro daywa ka eaeaki nga hugot nga ginbalibaran ro akusasyon it biktima. / ANN DESLENE SALAZAR
