LEGAZPI CITY – Kinumpirmar ni Department of Tourism Secretary Christina Frasco na nasa ika-10 Tourist Rest Area na an Bicol Region na papatindugon sa Hiraya Manawari Nature Park sa Brgy. San Vicente, syudad nin Tabaco.
Segun kay Frasco, bako sana 22 an saindang target na ikonstruwir na TRA sa nasyon para sa taon 2024, kundi plano pa ining dugangan sa taon 2025 base sa direktiba kan President Ferdinand Bongbong Marcos, Jr. na tawan nin importansya an tourism infrastructure tanganing mapalangkaw pa an kalidad nin tourism services sa nasyon.
Nagpapasalamat man si Frasco sa mga lokal na gobyerno sa bilog na nasyon huli ta positibo an mga ini sa ginigibong pagpapatindog nin TRA projects.
Segun man kay City Mayor Krisel Lagman-Luistro, saro ini sa magigin indikasyon kan syudad na mas lalo pang mabisto an Tabaco asin mapauswag an ekonomiya.
