Dalawampu’t dalawang porsiyento ng mga kababaihan at 18 porsiyento ng mga kalalakihan sa Pilipinas ang nakaranas umano ng harassment ayon sa isang pag-aaral ng Lloyd’s Register Foundation at pollster Gallup.
Marami sa mga biktima o 47% sa mga kababaihan at 60% sa mga lalaki ay hindi nag-ulat ng insidente dahil sa takot sa epekto at paniniwalang walang mangyayari dito.
Ayon sa World Risk Poll: 2021, mahigit kalahati ng mga lalaking nakaranas ng karahasan at harassment ay dumanas ng psychological harassment habang 47% ng mga babaeng respondents ang nag-ulat na nakaranas din nito.
Natuklasan din ng parehong pag-aaral na 60% ng mga Pilipino ang nagsasabi na ito ay nangyari “tatlo o higit pang beses.”
Isinagawa ang survey sa 1,000 mga Pilipino.
