Patay ang usa ka 21 anyos nga lalaki homan gipusil sa wala mailhing suspetsado pasado alas 3 kagahapon sa Purok Margarita, Brgy. Balintawak, Escalante City, Negros Occidental.
Naila ang biktima nga si alyas Alfredo empleyado sa AZNAR Shipping samtang ang suspek wala mailhi.
Sa inisyal nga imbestigasyon sa kapolisan nasayran ang biktima sakay sa usa ka pasaheroang traysikol ug sa dihang nanaog na kini,kalit miabot ang suspek ug dayon pusil sa makadaghang higayon ngadto sa biktima gamit ang wala matinong armas.
Nakaangkon og mga samad pinusilan sa likod nga bahin sa iyang lawas ug sa iyang ulo ang biktima.
Samtang ang suspek nakit-an nga nagdagan dayon giingong misakay sa usa ka nag-parking nga motorsiklo paingon sa wala matino nga deriksyon.
Narekober gikan sa crime scene mao ang usa ka deformed slug, tulo ka fired cartridge sa Caliber .45, ug usa ka buhing bala sa kalibre .45.
Gidala ang biktima sa Vicente Gustilo District Hospital apan gideklarar nga dead on arrival sa attending physician.
Padayon ang gihimong hot pursuit sa kapolisan alang sa pagkasikop sa miikyas nga suspek ug masuta ang motibo sa maong pagpamusil.
