Opisyal ron nga ginbuksan kadya nga aga kang huwebes, Agosto 22, 2024 ang labing-una nga Regional Science, Technology Ang Innovation Week sa diin dya ang ginapatigayon sa University of Antique-Main Campus.
Dya ang may tema “Siyensya, Teknolohiya at Inobasyon: Kabalikat sa Matatag, Maginhawa at Panatag na Kinabukasan” kag magalawid asta Agosto 24, 2024.
Lakip sa nakalinyada nga aktibidad sa dyang 2024 RSTW amo ang paglunsyar kang DOST Regional and Provincial iHubs, 2024 Western Visayas AI Hackathon, pagbukas kang mga exhibits, kag maduro pa nga iban.
