Nagbaton kang bulig pinansyal ang mga biktima kang sunog sa banwa kang Bugasong lakip ron si Mary Jeaneth Servando nga kapin sa P10,000 kahapon nga adlaw, Agosto 21.
Dya ang kabahin kang Aid to Individuals in Crisis Situations (AICS) program, nga ginpangunahan kang gobyerno probinsyal.
Sumatotal, P188,000 ang ginbaton kang 73 ka mga benepisyaryo halin sa Bugasong lakip ang assistance sa 21 ka mga miyembro kang LGBTQIA++ community sa diin dya ang ginhiwat sa Sitio Cabudipa, Poblacion, Patnongon.
Dugang pa, 89 naman ka mga residente halin sa Patnongon kag Bugasong ang nagbaton kang pay-out halin sa Department of Labor and Employment’s (DOLE) TUPAD Program sa diin kada benepisyaryo nga nag-obra kang 10 ka adlaw ang nagbaton kang P4,800.
