NAIMBARGO sa sakop sa General Santos City Veterinary Office (CityVet) ang naa sa 120 kilo sa karneng baboy sa African Swine Fever (ASF) checkpoint sa Barangay Tinagacan.
Ang maong mga baboy ang gikan sumala pa sa Digos City ug gisulayon nga ipalusot sa GenSan.
Gawas niini, laing 20 kilos sa letson ug uban pork process product ang naimbargo sa checkpoint. Subling nagpahibalo ang CityVet sa publiko nga hangtud karon bawal ang pagpasulod og karneng baboy, buhing baboy ug pork process product sa siyudad.
Kini aron protektahan ang multi-million kantidad sa swin-industry sa GenSan asa liboan usab katao ang nanrabaho ilawom sa industriya.
Ang GenSan ang naa sa green zone o safe zone batok ASF,butyag ni Dr. Emilio Gargaran,labaw sa CityVet. Nakalabay’ng tuig nakasulod ang ASF sa siyudad apan gilayong na-contain. I Richel Gubalani
Photo by Gensan CityVeterinarian
