KORONADAL CITY – ACCREDITED Konsulta providers na ang 20 mga health facilities sa lalawigan ng South Cotabato.
Kabilang sa mga ito ang South Cotabato Provincial Hospital, Norala District Hospital, Polomolok Municipal Hospital, Allah Valley Medical Specialist Center Inc, Dr. Arturo P. Pingoy Medical Center, Socomedics, Howard Hubbard Memorial Hospital, Lariosa Clinic and Hospital, Surallah Community Hospital, at Tibud sa Katibawasan MPC.
Accredited na rin ng Philhealth 12 bilang mga Konsulta providers ang City Health Office ng Koronadal at lahat ng mga Rural Health Units sa probinsya maliban lamang sa Tboli.
Sa mga Konsulta providers maaaring magpacheck-up at sumailalim sa libreng laboratory services ang mga Philhealth members bilang bahagi ng Konsulta package.
Sa pamamagitan nito, mahihikayat ang mga miyembro na magpakonsulta upang agad na mabigyan ng lunas at hindi na lumala pa ang kanilang sakit.
