GIKUMPERMA sa labaw sa City Veterinary Office sa General Santos City nga adunay nagasulod nga imported nga karne sa baboy gikan sa Amerika, Australia ug Canada.
Sa paghinabi sa Brigada kay Dr. Emelio Gargaran gisulti niini nga ang shipment sa karne kasagaran kaduha sa usa ka bulan, anaa sa 20-40 tonelada unya naga adto sa mga processing plants.
Gidugang ni Gargaran nga ginahimo kini nga chorizo ug chicharon ug dili presko nga karne ang naga abot sa mercado.
Ang mga kondisyon daw niini nga dapat port to port lang ang byahe unya ang gigikanan sa karne dapat ASF Free o African Swine Fever Free, dili usab kini makasulod sa General Santos City kon wala naga agi sa husto nga proseso sa shipment.
Gidugang ni Gargaran nga sa pagkakaron wala silay nakita nga kakulangan sa supply sa karne,dili daw husto nga magdeklara ug may kakulangan aron lang motaas ang presyo,kasagaran daw sa naga anunsyo og shortage naga gikan sa national.
Dili usab daw pwede nga sundon sa Gensan kung unsa ang presyo sa Luzon kay mas barato man ang gikan sa Mindanao. I Ver Diazon
