Halos kalahati o 45% ng mga nasa hustong gulang na mga Pilipino ang umaasa na ang kalidad ng kanilang buhay ay bubuti sa susunod na 12 buwan, ayon sa resulta ng independent survey na inilabas ng Social Weather Stations o SWS.
Ang poll na isinagawa mula September 29 hanggang October 2 ay nagpakita din na 39% ang naniniwala na ang kalidad ng kanilang buhay ay mananatiling pareho, habang 4% ang inaasahan na ito ay lalala. Ang natitirang 12% ay hindi nagbigay ng sagot.
Nagreresulta ito sa net optimism score na 40, na inuri bilang “excellent” ng SWS. Ito ay dalawang puntos na mas mababa sa 42 na naitala noong Hunyo.
Ang survey ay mayroong 1,500 respondents, ang mga margin error sa sampling ay ±2.5% para sa national percentages, ±5.7% bawat isa para sa Metro Manila, Visayas, at Mindanao, at ±4.0% para sa Balance Luzon.
