Balete, Aklan – Ku Abril 11, 2024, ro Balete Municipal Police Station (MPS), hay madinaeag on nga nagpatigayun it mga operasyon kontra sa daywa ka indibidwal nga nagapangatubang sa serious crimes.
Sangka indibidwal ro kusang nagsurender matapos ro madinaeag on nga negosasyon nga ginpatigayun it mga tawuhan it Balete MPS.
Ginkustodiya raya bangud sa ginapangatubang nga 5 counts it Acts of Lasciviousness, kasunod it legal nga proseso ag warrant nga gin isyu it Regional Trial Court, nga may bail bond nga P108,000 nga gin rekomenda para sa kada kremin nga anang nahimo.
Samtang, nadakpan man it MPS Tracker Team ro Top 4 Most Wanted Person sa Balete, sa sangka establisyemento sa Brgy. Poblacion, Kalibo, Aklan, sa bisa it warrant of arrest para sa Statutory Rape by Sexual Assault, nga may P200,000 bail bond nga gin rekomenda para sa anang temporaryo nga kahilwayun. // ANN DESLENE SALAZAR
