Dalawang mga barangay tanod ang patay matapos araruhin ng isang pampasaherong jeep sa Barangay Tulo sa Batangas City.
Sa naging panayam ng Brigada NewsFM Batangas sa Batangas City Police – dalawa na mula sa walong kabuoang mga nasugatan ang binawian ng buhay.
Sa ngayon, nakauwi na ang apat sa kanila at sa bahay na lamang nagpapagaling.
Sa inisiyal na imbestigasyon – lumabas na lasing daw ang drayber ng jeep na kinilala sa alyas na ‘Gado’.
Sa ngayon, nasa kustodiya na ng mga otoridad ang tsuper at mahaharap na sa karampatang kaso.
