Gin dakup it mga personnel it Kalibo Municipal Police Station ag Kalibo Municipal Auxiliary Police (MAP) ru daywang ka mga persona nga magwala sa sangka restobar sa Brgy. Andagao, Kalibo kaina’t aga-aga.
Base sa report it Kalibo MPS, nakilaea ru mga imbolbado nga sanday Nino Levi Magno, 37 anyos ag Mark Lester Dela Cruz, 30 anyos, tanan mga residente it Brgy. Mabilo, Kalibo, Aklan.
Nagwala ru mga imbolbado matapos balibaran it mga bouncers it bar nga sobra eon sa oras ru operasyon.
Nag pilit pa gihapon ru mga raya rason nga gin harangan ag sambilog kara hay nagmaoy pina-agi sa pag-eampos it helmet nga gina panag-iyahan man it kapareho man nga costumer.
Ikara, naalarma ru mga staff ag tag-ana it helmet sa bar raon nga nag pabulig sa mga kapulisan.
Samtang, naka taeana nga maga settle ru mga imbolbado sa Barangay Justice System.//MARIVIC Y. ILIN
