Naka angkon it nina sa ibang parte it kaeawasan ru daywang mga persona matapos nga aksidenting maka bangga sa nag pa-iway nga truck sa Brgy. Tagbaya, Ibajay, Aklan.
Sa imbistigasyon, bumangga ru mini van nga gina maneho ni Lhemen Mendez, 32 anyos nga taga-Makati sakay si Dominic Pineda, 20 anyos ag residente it Hamtic, Antique.
Paadto konta ru mga raya sa banwa’t Nabas kasunod ru gina manehong truck ni Jerold Jaspem 43 anyos, it San Dionesio, Iloilo.
Nag pa-iway ru truck sa kasubeang nga bus dahil sa maisot nga daean ag ikara ru dahilan nga nag bangga ru truck ag mini van.
Nag-angkon it pagkasamad sa prente nga parte it mini van ag pagkanina it driver pati ru sakay kara.
Sa makaron, temporaryong sa custodiya it Ibajay MPS ru truck para sa naga kaigo sa disposition.//MARIVIC Y. ILIN
