Padayon karon ang gihimong search and retrieval operation sa mga natabunan sa nahitabong landslide sa Diat Palo Pantukan, Davao de Oro.
Gikanayon sa Municipal Disaster Risk Reduction and Management Council (MDRRMC)-Pantukan nga nahitabo ang landslide human sa sunod-sunod nga ulan sa lugar.
Sa nahitabo, 1 na ang patay samtang padayon nga gipangita ang 3 ka mga minero nga natabunan.
Naila ang namatay nga si Gilbert Esto, gibana-banaan nga anaa sa 40 anyos ug residente sa Mati City, mga dayo lamang sumala sa lugar ang mga biktima.
Nalisdan sila karon sa pagkubkob sa yuta tungod mano-mano lamang ang ilang gihimo ug lapok pa kayo ang yuta.
Nasayran nga daan nang nagpahimangno ang lokal nga panggamhanan sa Pantukan ngadto sa mga residente nga delikado sa pagdahili sa yuta tungod na sab sa sunod-sunod nga pag-ulan sa milabay nga adlaw.
Naningkamot ang mga otoridad nga makasulod ang ekipo nga makatabang sa paspas nga retrieval operation sa lugar.
Samtang, giklaro sa MDRRMC nga walay nahugno nga tunnel kung dili pagdahili sa yuta ang nahitabo tungod sa kusog nga ulan hatod sa nasinatiang LPA.BNFM
