DALAWA ang patay habang hindi naman bababa sa anim na katao ang sugatan matapos ang nangyaring shooting incident sa Auckland City sa New Zealand.
Sa ulat ng local media sa lugar, nangyari ang insidente ilang oras bago ang pagsisimula ng opening match ng Women’s soccer World Cup sa lugar.
Sa isang panayam, sinabi ni New Zealand Prime Minister – Chris Hipkins na wala umanong natukoy na anumang political o ideological na motibo sa insidente at hindi rin ito nagpahiwatig ng national security risk .
Sakabila nito, mas pinalakas naman ang pwersa at presensya ng mga kapulisan sa lungsod.
Samantala, nagpatuloy naman ang naturang laro sa mismong araw ng pagsisimula nito.### JUMEL DELA ROSA
