Arestado sa gihimo nga joint enforcement operation sa militar ug kapolisan ang duha ka high-ranking leaders ug 4 ka miyembro sa New People’s Army sa Barangay Umagos, Lagonglong, Misamis Oriental.
Gihimo ang nahisgutan nga operasyon homan sa sunod-sunod nga engkwentro tali sa militar ug mga rebelde sa lalawigan.
Matud sa 58th Infantry Battalion Philippine Army nga basi sa pag-beripika , ang duha ka high-valued targets sa Sub-Regional Committee 1, North Central Mindanao Regional Command, gikonsidera isip most wanted persons nga dunay standing cases sa Kidnapping ug Serious Illegal Detention.
Naila ang lider nga si Alyas Ivan, 28-anyos kinsa Commander sa Platoon Cherry Mobile, GF HUAWEI, SRC1, nga taga Sitio Camanse, Brgy. Banglay, Lagonglong ug alyas mikot, 50-anyos, commander sa Militia ng Bayan ug laing upat pa kauban sa walhong grupo.
Atol sa operasyon, nabawi sa otoridad ang usa ka M14 rifle, usa ka garand rifle, usa ka AK47, 2 ka rifle grenades, ammunitions ug tulo ka cellphone.
Subay niini, gibutyag ni 58th IB Commander Lt. Col. Ricky Canatoy nga ang pagkasikop sa mga nahisgutan, usa ka major setback sa armadong grupo ug pamatuod kini nga gakahuyang na matud pa ang NPA. -END-
