Nagpapatuloy ang isinasagawang retrieval operation para sa dalawang lalaki na natabunan umano ng gumuhong lupa sa Calauag, Quezon nitong Martes, Abril 30.
Ayon sa report, naghuhukay umano noon ang apat (4) na lalaki nang biglang gumuho ang lupa at nabaon ang mga manggagawa sa sa hukay na may lalim na 13 talampakan.
Nagawang mailigtas ng mga rescuers ang dalawa sa apat na mga manggagawa habang ang iba naman ay patuloy na nire-rescue.
Sa ngayon, patuloy naman ang isinasagawang imbestigasyon ng mga awtoridad hinggil sa nasabing insidente
