Natagpuan ang pinaghihinalaang Leatherback Sea Turtle sa baybayin ng Barangay Caridad Ibaba, Atimonan, Quezon ngayong araw, Mayo 1.
Ang nasabing pawikan ay naaagnas na umano nang makita ng mga residente kung kaya’t inabisuhan ng Office of Municipal Agriculturist (OMA) ang barangay na ibaon agad para mai-decompose.
Samantala, pinaalalahanan naman ng lokal na pamahalaan ng Atimonan ang mga residente na kung sakaling may makitang stranded na hayop sa lugar ay agad na ipagbigay alam sa kinauukalan.
