Tanggong karon sa prisuhan sa Toril Police Station ang duha ka lalaki nga nasignit sa mga sakop sa Task Force Davao ug Toril Police Station atol sa gipatumang inspection sa Sirawan checkpoint.
Giila ni Task Force Davao Commander Colonel Darren Comia ang duha ka mga suspek nga sila si Jomar Salvador, 35 anyos taga Lanas Dingras, Ilocos Norte ug ang 42 anyos nga si Melvin Batanes nga taga Barangay Biga Pitogo, Quezon.
Sakay ang duha sa usa ka truck nga padulong unta sa Tagum City dihang nadiskubre gikan kanila ang pakete sa iligal nga droga.
Wala na kalahos sa ilang destinasyon ang duha ka lalaki ug gilahos nalang sa presinto aron kini mapasakaan sa kasong paglapas sa RA 9165. BNFM-DAVAO
