Hagbong sa kamot sa mga otoridad ang duha ka mga negosyantenga naila sa pangalang Estela Gucor Dapar, 45-anyos minyo ug Merna Pacheco Pontivedra, 60-anyos, nga pulos residente sa Purok 2, Barangay Poblacion, San Miguel, Surigao del Sur human nga naaresto sa mga personahe sa RFU13 ug CIDG Surigao del Sur PFU gumikan sa pagpamaligya ug smuggled nga mga sigarilyo.
Kini human sa gipahigayon nga Oplan Megashopper (Operation against Smuggling, Manufacturing, Distribution and Trading of Counterfeited Items/Products).
Atol sa maong operasyon nakuha sa mga dinakpan ang 4 ka boxes ug 37 ka reams sa managlahing brand, 2 ka One Hundred Fifty (150) Reams of Modern Cigarette, 73 ka Reams sa Shooter Cigarettes ug 4 ka Reams sa Berlin Cigarettes.
Sa kinatibuk-an mukabat sa Php 208,800.00 ang kantidad sa mga smuggled nga mga sigarilyo ang nasakmit sa mga awtoridad atol sa operasyon.
