Nag-adjourn na sa kanilang huling sesyon ang House of Representatives para sa 18th Congress.
Sa kanyang valedictory speech, sinabi ni Speaker Lord Allan Velasco na ang 18th Congress ay “key and steady partner” ng executive department sa pagpasa ng mga batas na makakatulong sa bansa.
Sa gitna nito, pinasalamatan ni Velasco ang kanyang kapwa mga mambabatas, maging Majority Leader Martin Romualdez at Minority Leader Joseph Stephen Paduano, ganun rin ang mga deputy speakers sa mababang kapulungan.
Sa senado naman nakatanggap ng mainit na yakap ang mga graduating senators matapos ang huling pagpukpok ng gavel ni Senate President Vicente Sotto III para tapusin ang Third Regular Session ng 18th Congress.
Kabilang sa mga outgoing senators ay Sens. Panfilo “Ping” Lacson, Emmanuel “Manny” Pacquiao, Leila de Lima, Francis “Kiko” Pangilinan, Richard Gordon and Senate President Pro Tempore Ralph Recto, Minority Leader Franklin Drilon, at Senate President Sotto.
