Nagdangat sa 1,800 tanan ka mga rehistrado nga mangunguma sa Roxas City ang nabalhag nga naapektuhan sang tuman nga tag-ilinit tuga sang El Niño Phenomenon.
Suno kay Mary Anne Baria, pinuno sang City Agricultures Office, sumugod nag-umpisa ang El Niño, naghimo na sang tikang ang City government agud amat-amat nga matagaan sang bulig ang mga mangunguma. Pinaagi sa paghatag sang mga binhi kag financial assistance gikan sa Rice Competitiveness Enhancement Fund (RCEF) Program sang Department of Agriculture.
Nahibaluan, ang problema sang mga mangunguma sa syudad amo ang kakulangan sang suplay sang tubig para sa ila ulumhan. | Judy Ann Juare
