Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka 18-anyos nga lalaki matapos nadakpan sa Drug buy-bust operation sa Brgy. Sta. Cruz, Ivisan, Capiz kahapon nga adlaw sang Lunes, Enero 15.
Ginkilala ang nadakpan kay Jun Juanga, residente sang Brgy. Ilya sa amo man nga banwa.
Matandaan, nakuha sa iya paghinakop kag kontrol ang 10 tanan ka sachet sang ginasuspetsahan shabu lakip na ang nabakal sang police puseur buyer, P500 nga buy-bust money, P3,000 nga boodle money, apat ka improvised glass tooter; 1 plastic black box kag isa ka unit sang Honda Click 125 nga motorsiklo nagaduag itom.
Ginabanta nagabug-at sang 7 gramos ang nakumpiskar nga droga kag may Standard Drug Price nga P47,600.
Sa karon, nagapabilin ini sa kustodiya sang Ivisan Muicipal Police Station para sa nagakaigo nga disposisyon. | Judy Ann Juare
