Hinatulang guilty ng Taguig Regional Trial Court Branch 153 ang 17 lider at miyembro ng Abu Sayyaf Group sa kasong 21 counts ng kidnapping at serious illegal detention with ransom.
Pinatawan ang mga ito ng reclusion perpetua matapos mapatunayang sangkot ang mga ito sa pagdukot sa 21 dayuhan sa Malaysia at hi-nostage ng ilang buwan sa Sulu noong taong 2000.
Ang mga dayuhan ay kinabibilangan ng mga German, Finish, African, Lebanese, Malaysian, at mga Pinoy.
Ayon sa Department of Justice, malaking panalo sa bansa ang pagkaka-convict sa 17 miyembro ng Abu Sayyaf at patunay lamang ito sa pagpupunyagi ng DOJ na itaguyod ang rule of Law sa bansa.
