ILOILO — Ginreklamo it sangka 16yo nga solterito ro sangka 33yo nga eaeaki nga ginasugid naghimueos kana sa Brgy. San Rafael sa Iloilo ku Agosto 18.
Sa reklamo it biktima sa San Rafael Police Station, nagtambong imaw sa birthday party ku anang amigo kung siin, igto man ro suspek nga sangka 33yo nga taga Barotac Viejo.
Nakaangkon segun it inuman sa nasambit nga okasyon ag bandang alas 11 it gabii hay nag-eaong nga mauli ro biktima.
Suno sa biktima, samtang nagatikang imaw sa madueom nga bahin hay gulpi imaw nga ginbira it suspek pero nakadaeagan imaw ag nagpangayo it bulig.
Pero owa man segun it nagbulig kana bangud owa haeos it panimaeay sa nasambit nga lugar hasta sa naabtan imaw it suspek ag gintutukan it kutsilyo ag gin-rape.
Insigida man nga nagreport sa kapulisan ro biktima rasun nga naaresto ro suspek nga may asawa ag unga.
Nakataeana man nga pasakaan it kaso ro suspek nga nakakulong eon makarun sa San Rafael Police Station. / ANN DESLENE SALAZAR
