Malipayon ro 16 nga workers sa Brgy. Ugsod, Banga, Aklan matapos mag abot ro DSWD Region 6 kaina it agahun pinaagi kay Regional Director Ma. Evelyn B. Macapobre.
Ro 16 nga trabahador hay inabandona it andang contractor rasun nga naeksperiensyahan it mga raya ro haeos owa it makaon bangud owa sanda it sweldu ag allowance.
Matapos makaabot ro nasambit nga problema kay DSWD Sec. Erwin Tulfo hay insigida raya nga umaksyon ag ginpaagto si Director Macapobre ag nataw-an it mga pagkaun ro mga workers ag cash nga tig-P10,000 para pamasahe nanda pabalik sa andang lugar bangud ro 16 nga workers hay taga Bulacan ag Laguna.
Nagtao man it bulig nga bugas ag grocery items ro pamunuan it LGU-Kalibo matapos ipaabot kanda ro problema it mga trabahador.
Maabu man nga mga Aklanon ro hasta makarun hay padayun nga nagatao it bulig sa 16 nga mga workers. / ANN DESLENE SALAZAR
