DAKPAN ang 16 ka mga vendors kalakip na ang duha ka mga menor-de-edad nga namaligya og mga ismagul nga sigarilyo sa Bankerohan Public Market, Datu Bago St., Brgy.5-A, Bankerohan, ning syudad, kagahapon sa buntag, Setyembre 5, 2023.
Kini atol sa gikasang simultaneous operation sa otoridad batok sa naghitak nga nagabaligya og ismagul nga sigarilyo sa nasangpit nga public market.
Giila sa San Pedro Police Station ang mga dinakpan nga mao sila Yusop Madid Maunga, 26, ug resident sa Metro Circle, Brgy.2-A, Magallanes, Makie Paote Cotongan, 27, Jamal Mawalo Cotongan, 27, Abdulsalem Lumayas Dima, 25, Naima Lomondot Dimakuta, 34, Abdulwajed Lomondot Imran, 25, Analiza Paute Cotongan, 21, Amin Esmael Acmad (rescued minor), 17, Janalan Sampaco Palawan menor-de-edad, 16, OSY, nga puros mga residente sa Bryco, Bankerohan, usa ka Janinah Baulo Lomodnot, 30, Norodin Abbas Dipatuan, 32, nga susamang nanimuyo sa Datu Bago, Bankerohan, Noronisa Panarigan Jamal, 25, Noraida Tarosan Domaraya, 60, nga samang residente sa Isla Verde, Arwen Macabantog Andang, 26, ug residente sa Purok 6, Rasay, Bankerohan, Dika Tomongal Benasing, 50, nga taga- Pag-asa, Bankerohan, ug Abdulnasir Basiri Ahalul, 37, resident sa Alambre, Toril,ning syudad sa Davao.
Ang mga nahisgutan naaktuhan nga namaligya sa maong mga produkto, diin mikabat sa 3,091 packs sa nagkadaiyang brand ang nakuha sa ilang posisyon ug gibana-banaan nga mubalor sa PhP154,550.00.
Ang mga dinakpan ang gikustodiiya na sa San Pedro Police Station samtang ang duh aka mga menor de-edad ang gi-turned over sa Women and Children Protection Desk.BNFM-DAVAO
