LEGAZPI CITY – Apektado an 158 na mga empleyado sa Bicol huli sa delingkwenteng employers na dai pighuhulugan nin tultol an saindang kontribusyon sa Social Sercurity System (SSS) Legazpi.
Segun kay SSS Legazpi Communication Officer Jeanette Mapa, 24 kaya sa 54 pinadarahan nin surat katakod kan ikinondusir na Relief Afforded to Challenged Employers (RACE) program an dai pa nag-remit, kun sain target na makolektar hale an nasa labi 2 million pesos na dapat kontribusyon kan saindang mga empleyado.
Sa presente, piglalaoman kan ahensya ngunyan na taon na makapagkondusir ki 12 RACE program.
